Casablanca (1942)

حەفتاو نۆ ساڵە ئەو فیلمە زیندووە و وەکو خۆی ماوەتەوە هەرکات سێری بکەی وەک ئەوەیە ئەمڕۆ بڵاو بووبێتەوە وە ئەمە شتێکی سەیریش نیە چون خۆشەویستی نامرێ لە هەموو سەردەمێکا هەبووە و هەیە و دەمێنێ بۆیە ئەم فیلمەش هەرگیز نامرێ چونکە واقعیترین فیلمی ڕۆمانسیە تا ئێستا، بە ڕای خۆم دوو واقعیترین فیلمی ڕۆمانسی کازابلانک بە دەرەجە یەک و دەربارەی خۆشەویستی کیشلۆڤسکی بە دەرەجە دوو، هەمیشە وا باوتر بووە دەردی جیابوونەوە و نەبوون بۆ نێر قورستر بووە لەچاو مێ، دەرهێنەر زۆر بەجوانی جیاوازی ڕیکی پێشوو و ڕیکی دوای ئێلسامان پشان دەدا تەنها بە چەند فلاش باکێک، دەبینین پاش ئێلسا ژیانی ڕیک تەنها بخۆ و بڕۆیە ئەوەی گرینگی پێ بدات تەنها و تەنها خۆیەتی و بەس وە خەم لە هیچ شتێکیش ناخوات چونکە ئەو گەیشتووە بە لوتکەی خەم و خەفەت هیچ قۆناغێکی تری خەم خواردن نیە تا بۆی بەسەر کەوێ وە هیچیشی نیە لەدەستی بدات لەگەڵ ئەوانەش بۆ هیچ کەسێک خۆی ناخاتە کێشەوە، لە ڕاستیدا من بەوە دەڵێم ئەنجامێکی باش لەچاو زۆرێک، نەک بۆ خودی ڕیک بەڵکو بۆ کۆمەڵگا باشە چونکە گۆڕان بۆ کەسی خراپ و چوونە نێو کاری تاوان یانیش خۆکوشتن لەدوای گەیشتن بە لوتکەی خەم خواردن و نائومێدی تا دەگاتە ئەوەی هیچ نیە لەدەستی بدات زۆرجار دیومانە، وەک دەڵێن کەس لە خۆڕا نابێتە موجریم و کەسیش لەخۆڕا خۆی ناکوژێ، ڕیک بەهەموو شێوەیەک دەیەوێ ئێلسا لەبیر خۆی بباتەوە، ئەو گۆرانیەی چەندین ساڵ قەدەغەی کردبوو کەچی یەک دیدار یەک بینین هەموو شتێکی نوێ کردەوە و ڕیک دیسانەوە چووەوە نێو خەمە قووڵەکەی، هەمان ئەو ڕیکەی کە کەسی لا گرنگ نەبوو خۆی نەبێ هەمان ئەو کەسەی بۆ هیچکەس خۆی نەدەخستە کێشەوە هەر هەمان کەس کە مەسەلەکە هاتە سەر خۆشەویستە ئەبەدیەکەی ئامادە بوو گیانی خۆیشی دانێ لەپێناوی ئەگەرچی ئێلسا موڵکی ئەویش نەبوو بەڵام هەر خۆشی دەویست، نە گیانی خۆی لا گرنگ بوو نە هیچ شتێک تەنها دەیویست خۆشەویستەکەی سەلامەت دەرچێ بۆیە دەستی دایە کوشتنی کەسێک کە بێگومان حوکمەکەی سێدارە بوو بەڵام لێرەش عەدالەت و هاوڕێیەتی و تێگەیشتن دەوری گەورە ئەگێڕن، هەرچەندە پێموایە هێشتا بەتەواوی تەعبیر لەو حاڵەتی خۆشەویستی و جیابوونەوە و دەرد و ئەنجام و قوربانیەکانی ناکرێ بەڵام کازابلانکا شاکارێک تا ئەبەد زیندوو دەمێنێتەوە و تا ئێستا فیلمی ڕۆمانسی و دەربارەی خۆشەویستی لە کازابلانکا واقعیترم نەبینیوە

جوانترین کۆتایی هەبوو ، بێگومان ئەم فیلمەش یەکێکە لەو شاکارانەی کە تا مردن بینەری هەیە