Perfect Blue
گۆرانیبێژێک دەبێتە خانمە ئەکتەر بەڵام خەیاڵاتی کچانەی لە پیشەکەی قوڵتر دەبێتەوە
Satoshi Kon
بۆ نموونە سەیرێکی پرۆفایلی فەیسبووکەکەت بکە کەسێکی خەیاڵیت دروست کردووە واتا ئەڤەتارەکەتە نەک خۆت خەڵکیش بەو شێوەیە تۆ دەناسێت و دەبینێت پێرفێکت بڵوو دەربارەی ئەمەیە، کەسێک بە ناوی (میما-کیگۆری) کە ئەستێرەی پۆپە، میما کەسایەتی کچێکی جوانی و پێرفێکتی دەرخستووە بۆ خەڵکی و خەڵکیش تەنها وا دەیبینن بەڵام لە یەکەم دیمەنی فیلمەکە واز لە پۆپ و باندەکەی دەهینێت بۆ ئەوەی ببێت ئەکتەر. بەڵام ئەو کەسایەتیەی میما هەر لەناوناچێت بگرە شێوەیەکی فیزیکی وەردەگرێت چونکە ماوەیەکی زۆر میما لەسەر ئەو کەسایەتیە بووە ناتوانێت بە ئاسایی بژێت بە درێژایی ٨٢ خولەک فیلمەکە باسی ئەم کەسە دەکات کە چۆن نەخۆشی فرە کەسایەتی ژیانی لەناودەبات.
بەڕاستی ئانیمێیەکی زۆر جوان بوو وە داڕشتنی چیرۆکەکەی هیچی کەمتر نەبوو لە شاکارە گەورەکانی هۆڵیوود. بۆ ئەو کەسانەی لە چیرۆکەکە و کۆتاییەکەی نەگەیشتوون من پاش سەیرکردن و لێکۆڵینەوە لێ بەم جۆرە شیکردنەوەم بۆ کردووە، بە سێ بەش لۆتانی باس دەکەم بەشی یەک: لە سەرەتا دا میما گۆرانیبێژێکە کە لە گرووپەکەی جیا دەبێتەوە لۆ ئەوەی ببیتە ئەکتەر تاکو بەناوبانگتر ببی و دەوڵەمەندببی. کە دەبتە ئەکتەر ئەم گۆڕانکارییە زۆر زەحمەتە بۆی و لەگەڵ وەرگرتنی ڕۆڵی لە دیسکۆکە کاتێ هێرشی سێکسی دەکرێتە سەر. بارودۆخی دەروونی تێکدەچێت دەست دەکات بە لەهۆشخۆچوون وە بە خەیاڵ کەسایەتیی پێشووی خۆی وەک گۆرانیبێژێک دەبینێ کە گاڵتەی پێدەکا. بەشی دوو: دواتر ئەو کەسانەی دەقەکەیان لۆ نووسیە ببیتە لەشفرۆش لە فیلمەکەی، وە ڕسمی ڕووتیان گرت لۆ رۆژنامەکان تاکوو بەم هۆیەوە بەناو بانگ ببی دەکوژرێن. لەبەر ئەوەی میما لە ژێر سترێس و قلەقی دایە، وە بەهۆی بلۆگەکانی کە براودەکرانەوە و وەردەکاری زۆری تێدابوو لەسەر ژیانی، میما وا بیری دەکردەوە کە خۆی لە کاتی خەودا هەڵسابی و ئەو تاوانانە ئەنجام بدات. بەشی سێ: سوپڕایزە گەورەکە ئەوەیە کە بەڕێوەبەری کارەکانی، واتە ڕومی کچە قەڵەوەکە بکوژە ڕاستەقینەکەیە کە خۆی ئەو کوڕە نامۆکەی ناردبوو بۆ کوشتنی وێنەگرەکە و نووسەری فیلمەکە کە میما بەژداری کردبوو. چوونکە ڕومی خۆی گۆرانیبێژێکی سەرنەکەوتووی بوو پێش میما و تووشی کێشەیدەروونی ببوو بڕوای وابوو کە خۆی میما ڕاستەقینەکەیە و هەوڵی دەدا هەموو ئەو کەسانە بکۆژێت کە میمایان بە شێوازێکی ناشرین پشاندەدا. لە کۆتاییدا ڕومی هەوڵدەدا میما بکوژێ کە لای وایە میما دەبوایە هەر لەسەر گۆرانی گووتن مابایەوە، ئێستا ئەو پاک و ڕەسەن نیە و خۆی بە میما دەبینێ ( وە دەرهێنەرەکە ستۆشی کۆن زۆر بە جوانی و وازحی لە رێگای ڕەنگادنەوەی ئاوێنەکانەوە لۆمان بەدیاردەکەوی کە ڕومی خۆی بە میما دەبینێ و هەتا جلی وەک ئەو لەبەر کردووە.) لە پاش ئەوەی میما خۆی لە ڕومی شێت ڕزگار دەکا و ڕایدەگرێ، دەبینین کە لە نەخۆشخانەی دەروونیە کە حالی باشتر بووە وە میما بە دڵخۆشییەوە بەجێی دەهێلی.
خۆشم نازانم بۆچی سەیرم کرد، بەڵام بەدڵنیاییەوە ئەنیمێکە دەتخاتە نێو بیرکردنەوەوە تەنانەت دوای تەواوکردنیشی بیر دەکەیەوە : باشە ئەوە چی ڕوویدا؟ کامەی خەیاڵ و کامەی ڕاستی بوو؟ وە چێژی تایبەت بەخۆی هەبوو. ئەم فیلمە دەربارەی ترسی لەدەستدانی کەسایەتی و نەخۆشی دەروونی فرە کەسایەتییە( کە جۆرە نەخۆشیێکە وا لە کەسێک دەکات خۆی ڕاستەقینەی بەتەواوی بیر بچێتەوە و کەسایەتیێکی تر لەبەر دەگرێتەوە و خودی خۆی بوونی نامێنێ )، ئینجا بە درێژایی فیلمەکە لەلایەن هەردوو کەس میما و رومی خەیاڵکردن دەبینین کە خەیاڵ دەکەن بە بینینی "ئایدۆڵ میمای پێرفێکت" میمای ڕاستەقینە خەیاڵ دەکات بە بینینی ئایدۆڵ میما کە کەسایەتیە کۆنەکەیەتی و ترسی ئەوەی هەیە خۆی ئێستای لە دەست بدات بۆیە دەڵێت "ئایا من ڕاستیم؟" و پاشان رومی هەیە کە گەر تەرکیزتان کردبێ لەگەڵ بەڕێوبەرەکەدا لە سەرەتاکاندا باسی ئەوەی کرد کە پێشتر ئایدۆڵ بووە بەڵام وازی هێناوە. جا کە رومی میما دەبینێ لەڕێی بونی بە ئەکتەردا هەمان ئەو پێرفێک میما ئایدۆڵە نییە کە پێشتر هەبوو، بۆیە ئەویش دەست بە خەیاڵکردن دەکات بەڵام جیاوازیەکە ئەوە بوو لە نێوان رومی و میمادا کە رومی خۆی وەک پێرفێکت ئایدۆڵ میما دەهاتە پێش چاو و لە ماوەی فیلمەکەدا ئێمە خەیاڵەکانی ئەو دووانە دەبینین بە "پێرفێکت ئایدۆڵ میما"وە. وە لە کۆتاییدا رومی بەتەواوی کەسایەتی خۆی لەدەست دەدات و دەبردرێتە نەخۆشخانەی دەروونی و هێشتا خۆی وەک کچە پێرفێکتە ئایدۆلەکە میماوە دەبینێ کاتێ سەیری ئاوێنە دەکات بەڵام میمای ڕاستەقینە ڕزگاری دەبێ و کەسایەتی خۆی لە دەست نادات و لە کۆتا دیمەن دەڵێت : " من ڕاستەقینەم! " . دەستانخۆش بۆ وەرگێڕانی.
