(ئاسان دیۆپ)، پیاوێکی زیرەکە و شارەزایی لە فێڵ و خۆگۆڕیندا هەیە، دەکەوێتە ژێر کاریگەریی چیرۆکەکانی (ئەرسن لوپا)، دزە خانەدانەکەوە. دەست دەکات بە داڕشتنی پلانی ورد بۆ تۆڵەکردنەوە لە خێزانێکی دەوڵەمەند کە ژیانی باوکی وێران کردووە، بە بەکارهێنانی زیرەکی و فێڵەکانی هەوڵ دەدات نهێنییەکانی ڕابردوو ئاشکرا بکات و ناوی باوکی پاک بکاتەوە، بەڵام هەر هەنگاوێک مەترسییەکی نوێی بۆ دروست دەکات.

ئەفسەرێکی پێشووی هێزی "سیڵ" لێکۆڵینەوه لە هۆکاری کەوتنە بۆسەی تەواوی تیمەکەی له ئەرکێکی نهێنیدا دەکات

باس لە چیرۆکی ژیانی گەنجێکی نیگارکێش دەکات بەناوی (نەورۆز) کە دەکەوێتە داوی خۆشەویستی کچێکی کۆچەر، ئەم پەیوەندییە بەهۆی دەستێوەردانی حاکمی شار و پەیوەندییەکانی بە دەسەڵاتەوە دەبێتە پشێوییەکی زۆر گەورە کە ڕێڕەوی ژیانیان دەگۆڕێنێت.

لە کەناراوەکانی بەندەری "هۆپ" نیشانەی هەبوونی کۆمەڵێک بوونەوەری زەبەلاحی نامۆ دەردەکەون، کە دانیشتووانی شارۆچکەکە خۆیان لەنێو شەڕێکی تۆقێنەردا دەبیننەوە بۆ ڕزگاربوون لەدەست ئەم بوونەوەرە نامۆیانە بۆ مانەوەیان لە ژیان.

(جیم هۆکینز)ـی گەنج و (بێس)ـی دایکی دەبنە خاوەنی نەخشەی گەنجینەی ئەفسانەیی چەتەی دەریایی و ڕادەکێشرێن بۆ نێو گەشتێکی کوشندە بەسەر زەریای ئەتڵەسییدا، کە تێیدا (جیم) ناچار دەبێت بە دۆخی یاخیبوون و توندوتیژی و خیانەتدا بڕوات و بۆ هەمیشە دەگۆڕێت.

دوای مردنی لەناکاوی باوکی، (کاری وایت)ـی هەرزەکار، کە هەمیشە لەلایەن دایکە زۆر پارێزەرەکەیەوە لە خەڵک دابڕێنرابوو، پێ دەنێتە قۆناغی ئامادەییەوە، لەوێدا ڕووبەڕووی هەڵمەتێکی بەربڵاوی گاڵتەپێکردن و چەوساندنەوە دەبێتەوە، بەڵام لە هەمان کاتدا هێزێکی نادیار لە ناخیدا دەدۆزێتەوە کە دەتوانێت لە ڕێگەی مێشکیەوە شتەکان بجووڵێنێت

چیرۆکی زنجیرەکە لە کەشێکی گوندنشینی و ساڵی ١٩٧٠ـی زایینییە ڕوودەدات. چیرۆکەکە بە ڕوودانی زنجیرە کوشتنێکی نادیاری کچانی گەنج لە گوندەکەدا دەست پێ دەکات، بە هاتنی لێکۆڵەرێک بۆ ناوچەکە بۆ دۆزینەوەی ڕاستییەکان، پەردە لەسەر نهێنییە تاریکەکان لادەبرێت کە ژیانی دانیشتووانی گوندەکە دەخاتە مەترسییەوە.

کچێکی سادە و پیاوێکی سەرکەوتوو، کە هەر یەکەیان ژیان و جیهانێکی جیاوازیان هەیە، بە شێوەیەکی چاوەڕواننەکراو چاویان بە یەکتر دەکەوێت، ئەو یەکتر بینینە بە هێواشی دەبێتە پەیوەندییەکی پڕ لە هەست و تێگەیشتن و خۆشەویستی

دایکێک هەموو ساڵێک وێنەی منداڵە ونبووەکەی بۆ دەنێردرێت دوای ٩ ساڵ بەدواداگەڕان بۆ دۆزینەوەی منداڵەکەی لە کۆتاییدا دەزانێت ڕاستییەکەی ڕفاندنی منداڵەکە لە شوێنێکی دوور نییە بەڵکو لە نێوان نزیکترین و متمانەپێکراوترین کەسانی دەوروبەری خۆی شاردراوەتەوە

ئاستا و یونۆ بەیەکەوە لە کڵێسایەک بەخێو دەکرێن و لەوکاتەوە لەیەکدی جیا نەبوونەتەوە، لە تەمەنی منداڵی بەڵێنی ئەوە بەیەکدی دەدەن کە ڕکابەری یەکدی دەکەن تا بزانن کێ دەبێتە پادشای جادووگەری داهاتوو

شیڤام دووبارە دەگەڕێتەوە بۆ جیهانی تاوانکاری، لە نێوان تاوان و خۆشەویستی و خۆپاککردنەوە لە گوناهەکانی ڕابردوودا، دەبێت بڕیارە سەختەکان بگرێت و قوربانی بدات بڕیارەکانی کۆتایی چارەنووسی خۆی و کەسانی دەوروبەری دەگۆڕن

لەبارەی گەنجینەی پیاوێکە کە هەمووشتێکی ئەم جیهانەی بەدەستهێنابوو، پادشای چەتەکان (گۆڵد ڕۆجەر)، کۆتا وشەکانی پێش لەسێدارەدانی وایکرد خەڵکی دەستبکەن بە گەشتکردن بەنێو دەریایەکان لەپێناو دۆزینەوەی گەنجینە مەزنەکەی "وەن پیس"، لێرەوە جیهان دەچێتە نێو سەدەی مەزنی چەتەکان

شەرەف واتە ژیان، مێژوی کوردستان مێژوویەکی پرە لە خیانەتی ولاتە زلهێزەکانی دەوروبەر. بەلام کورد هەمیشە بە سەربەزی و شەرەفەوە راوەستاوە بەرامبەر زوڵم و هێزی بێگانە. شەرەف لە خاکی من باسی مێژوە پرەکەی کورد دەکا بەرامبەر ئەم کاتە سەختانە و چۆن کورد هەمیشە بە سەربەرزی لە سەر پێیەکانی خۆی وەستاوە.