The Godfather
ڤیتۆ کۆرلیۆن سەرۆکی خێزانی مافیایی، بڕیار دەدات ئیمپڕاتۆریەتەکەی بداتە دەست کوڕەکەی کە مایکڵ کۆرلیۆنی’ە، بەهەر جۆرێک بێت ئەمە بە بێ مەبەست دەبێتە هۆی لەدەست دانی نزیکترین کەسەکانی
Francis Ford Coppola
سینەمای تەواو ئەمەیە خێزانی کۆرلیۆن تایبەتن ناوازەن یەکێک لە باشترین فیلمەکانی مێژوو
لە هەموو بوارەکانی ژیان کە دەیبینین هەمیشە کەسێک یاخوود سەردەمێک هەیە کە ڕێڕەوی ئەو بوارەی بۆ هەمیشە گۆڕیوە، بۆ نموونە؛ ئەفسانەی تۆپی پێ "پێلێ" توانی تا هەتایە ڕێرەوی ئەو وەرزشە بگۆڕێت، بێگوومان فیلمی "گادفازە - باوکی ڕۆحی"ـش توانی تا هەتایە ڕێرەوی سینەما بگۆڕێت، بێگوومان ئەم فیلمە پێویستی بە وەسف و سەنای کەس نیە، بێگوومان و بێ هیچ ڕازی نەبوونێک زۆربەی سینەما دۆستان کۆکن لەسەر ئەوەی باشترینی مێژووە، "فۆرس کۆپۆلا" کارێکی کرد کە بۆ هەتا هەتایە لە هزر و بیرەوەری سینەما دۆستاندا و تەنانەت ئاکتەرەکانیشدا بمێنێتەوە، فیلمێک لە هەموو ڕوویەکەوە کامڵ، سیناریۆی بەهێز، نواندنی بەهێز، سینەماتۆگرافی بەهێز، مەیکئەپ و شێوازی ڕیکخستنی جل و بەرگەکان بە شێوازێکی نایاب، فیلمێک کە تا هەتایە دیالۆگەکانی لە مێشکماندا هاتووچۆ دەکەن، شاکارێک کە هەر جارێک سێری بکەیت شتێکی نوێی لێ دەبینیت و شتێکی نوێ سەرت دەسووڕمێنێت، چیرۆکێک کە دەربارەی هەموو وانە و هەڵەکانی ژیان ئەدوێت و فێرمان دەکات دووبارەیان نەکەینەوە، ئەو فیلمە ناوازەیەی کە کارەکتەرەکانی بوونەتە ئایکۆنی سینەما، لە کۆتاییدا دەڵێم گەر کەسێک خۆی بە سینەما دۆست بزانێت و "باوکی ڕۆحی" نەدیبێت ئەوە دڵنیابێت سینەما دۆست نیە.
فیلمی زیاتر
| 2020
| 2021
| 2023
| 1995
| 2019
| 2021
| 2011
