The Return

فیلمی "Return" فیلمێکی درامای ڕوسییە لە دەرهێنانی ئەندرێ زڤیاگینتسێف ، زیاتر جەخت لەسەر بابەتەکانی باوکایەتی دەکاتەوە ، وە ئەوەشمان بۆ دەردەخات کە باوک زۆر کاریگەرە لەسەر منداڵەکانی ، وە باسی ئاڵۆزی و پەیوەندی خێزانی و نەبوونی باوک لەسەر منداڵەکانی دەکاتەوە. باوکەکە هەوڵی ڕزگاربوونی دەدا لە کردارەکانی ڕابردووی ، پەیامی فیلمەکە من پێم وایە سۆزدارییە چونکە ، سۆزداری یەکێکە لەو هەستانەی کە لەنێو مرۆڤەکاندا زۆر قوڵ دەبێتەوە و لەهەموو مرۆڤێکدا نیە. من وەک خۆم ئەو فیلمە بە یەکێک لە باشترین فیلمەکانی ساڵی 2003 دادەنێــم لەبەر چەند هۆکارێک یەک لەو هۆکارانە ئەوەیە کە فیلمەکە لەڕووی چیڕۆک جیاوازبوو و هەروەها ئەو فیلمە وا لە بینەران دەکات کە ڕەفتار و کارلێککردنیان لەگەڵ خێزانەکانیان باشتر بکەن و پەیوەندیان لەگەڵ خێزانەکانیان باش بکەن ، چونکە خێزان هەموو شتێکە بۆ مرۆڤ. هۆکارێکی تر ئەوەبوو کە لە سەیرکردنی فیلمەکە بێزارنەبووم و چێژم لێبینی بەلای منەوە چـیڕۆکی فیلم زۆر گرنگە و من زۆر گرنگی پێدەدەم ، بۆ نموونە کاتێک دەمەوێت سەیری فیلمێک بکەم سەرەتا چیڕۆکەکەی دەخوێنمەوە چونکە ، بەڕاستی هەندێک فیلم شایەنی سەیرکردن نیـن بەڕای من ، گرنگە مرۆڤ بینەری ئەم فیلمە بێت بۆ ئەوەی شتانێکی گرنگ و پڕ لە جوانی ئەزمون بکات. لە کۆتایدا دەمەوێ بڵێم کە هیچ کەس ناتوانێت وێنای ئەوە بکات کە باوک چەندە گرنگە بۆ خێزان و چەندە کاریگەرە. دەستخۆشی لە وەرگێڕەکان دەکەم ، بۆ وەرگێڕانی ئەم بەرهەمە.