Au Hasard Balthazar
ژیان؛ لەنێو ڕوانینی «کەرێک»دا فیلمێکی هێواش، بەشێوەی ڕاستەقینەی خوودی ژیان. فیلمێك؛ چیدی ئێمە بەتەنها لە کامێراوە، یاخوود لە چاوی مرۆڤێك لەبەرگی کارەکتەرێکدا، دیمەن و ڕووداوەکان نابینین، بەڵکو ئاشنا دەبین بەژیان، ئاشنا دەبین بە خوودی مرۆڤ لەنێو ڕوانینی ئاژەڵێکی بێ زمانەوە، ئەویش (باڵتازار)ە. باڵتازار کەرێکە و لە کێڵگەیەك، لەزەمەنی بچوکییەوە هەتا کۆتاییەکانی ژیانی، تەنها سەیر دەکات و، تەماشای ژیان و مرۆڤەکان دەکات. لەڕێی چاوییەوە بەسانایی چیرۆکمان بۆ دەگێڕێتەوە. باڵتازار دەیەوێت بێ حوورمەتی مرۆڤ و دوونیامان پیشان بدات، لەهەموو کایەکانی ژیانیدا تەنها ئازار دەچێژێت و، ئازار هاوڕێی هەمیشەییەتی. لەهەموو شوێنێك مرۆڤەکان ئازاری دەدەن. بەو هەمووەی پێی دەکەن، ئەو هەر بێدەنگە و، بێ زمان، هیچ ناڵێت تەنیا لەنزیکەوە سەیر دەکات. هەندێك کەس دەڵێن ئەم فیلمە باس لەژیان و، ئازارەکان و، هەتا لە خاچدانی مەسیحیش دەکات. هاوڕێ و هاوژینی کەرەکە کەسێکە بەناوی (ماغی-ماری) بەهەمان شێوەی مەرییەمی دایکی مەسیح. هەروەها کەرەکەش (عیسا-مەسیح)ە، و ئازار و نەهامەتییەکانی ئەومان پێدەگەیەنێت. ڕۆبێرت بریسۆن دەرهێنەری فیلمەکە هەموو ژیانی ئاواتەخوازبوو فیلمێك لەسەر ژیانی مەسیح دەربهێنێت، بەڵام لەبەر چەندین کێشەی دارایی و تێچووی زۆری فیلمەکە نەیتوانی و، لەکۆتاییدا دەرهێنانی بۆ ئەم فیلمە کرد و بەشێوەیەکی ناڕاستەوخۆ لەژیانی مەسیح نزیك دەبێتەوە
Robert Bresson
Au Hasard Balthazar
فیلمی زیاتر
| 2011
| 2002
| 2004
| 2009
| 1993
| 2023
| 2023
