Once Upon a Time in America

بە جدی شاکارە فیلمێکە باس لە سەردەمی کۆنی ئەمریکا دەکات کە چەتەو مافیاکان شەقامەکانیان بەڕێوەدەبرد و یاسایان بۆ دادەنا باس لە کۆمەڵە منداڵێک دەکات کە کۆمەڵەی خۆیان دروست دەکەن و دەبن بە مافیا و کۆمەڵەکەیان لەسەر دروشمی برایەتی دادەمەزرێت و بەڵێن دەدەن بەڵام دوای ئەوەی کە گەورە دەبن و هەر یەکەو هەوڵ بۆ دەسەڵات ئەدات خیانەت لە یەکتری ئەکەن و کۆمەڵەکەیان تێک دەچێت وە ئەکتەری بەناو بانگ و شاکار (ڕۆبێرت دی نیرۆ) کە هەر فیلمێک ئەوی تێدابێت بێ دودڵی سەیری دەکەم وە کۆتا فیلمی دەرهێنەری مەزن (سێرجیۆ لیۆن) ڕاستە کاتەکەی زۆرە بەڵام بۆمن کاتەکەی کەمیش بوو خۆزگە زیاتر بوایە! وە بەو وتەیەش سەرسامبووم لە فیلمەکە ( گەنجێتی و بەهێزیت بە شمشێرێک لەناو دەچێت)!

لە سەدەی بیستەمی زاینیدا لە ئەمریکا دەسەڵاتدەران زۆربەیان مافیاکانی سەر جادە بوون مەبەستم لە حوکمی وڵاتەکە لە ڕووی ئابوری و کۆمەڵایەتی و سیاسیەوە نیە بەڵکو مەبەستم لە ئاسایشی کۆڵان و شەقامەکانی جادەکەیە، برایەتی و ناپاکی لە کۆمەڵە مافیاکاندا کێشە هەرە سەرەکی کۆمەڵەکان بووە چونکە ڕەکابەری کردن لە پێناو دەسەڵات گرتن و بوون بە گەورەی کۆمەڵەکە شتێکی فرە شاز بووە بەلایانەوە بۆیە زۆربەی کۆمەڵە مافیایەکان بەهۆی ناپاکی کردن لە خودی برای خۆیان لەناوچوون، فلیمی سەردەمانێک لە ئەمریکا ناوەڕۆکی ئەمریکامان پشان ئەیات لە سەدەی بیستەمدا وە زۆریش بە جوانی پشانمانی ئەدات، کۆتا فلیم( سێرجۆ لیۆنی)بوو کە دوای ئەو فلیمە دوای ساڵانێک کۆچی دوای کرد،کۆتا فلیمی باس لە چەند مناڵێک دەکات چۆن ئەکەونە کاری مافیایەتی و ئەشبن بە مافیاو کۆمەڵەی خۆیان ئەبێت، کە لە نێو ئەو منداڵانەدا چەمکی برایەتی لە سەرووی هەموو شتێکەوە بوو تاوەکو گەورە بوون و فامیان کردوە دەستیان کرد بە خیانەت لە یەکتر کردن و ناپاکی کردن لە دروشمی برایەتی کە سۆز و خۆشەویستی بۆ یەک وەک برایەک ئەوەیان لە ناو برد، خامۆشیان کرد، فلیمێک کاتەکەی ٤ سەعات و ١١ دەقە بێت ئەکرێت وشک بێت بۆ بینەر و بێزاری بکات بەڵام ئەم فلیمە یەک چرکەساتێکی وشک نەبووە بۆم، سینەماتۆگرافی و ئاکتینگ و دیاڵۆگ و چیرۆک لە لوتکە بوون،تاکە خاڵی لاوازی فلیمەکە دیمەنی نەشیاوە بەڵام بۆ ئەو کاتە خاڵی لاوازی بووە ئێستا نا ،چونکە زۆر فلیم هەن کە ناسراون بە فلیم ئەگینا فلیم نین پڕن لە دیمەنی نەشیاوی بێمانا و هیچ، فلیمەکە لە هەموو ڕوویەکەوە فرە بێ وێنەیە ، دەستی ئێوەش خۆش بێت.

تەنها گەورە کراوێکە و هیچی تر

زۆر نایابە