Khoda Nazdik Ast

چیرۆكێكی سادەو چێژ بەخش

ئەکرێت چ ئەم فیلمە چ فیلمی فۆڕێست گەمپ جەخت لە ژیانی گەنجێک بکەنەوە کە بە مێشک تاڕادەیەک ناتەواوە ،، بەڵام لەگەڵ ئەوەشدا زۆر دڵپاکن و زۆر لە خەڵکی باشترن.... ئەم فیلمەش هەمان پەیامی فۆڕێست گەمپە کە ئەکرێت کەسێکی گێلیش خۆشویستنی ئافرەتێک بکەوێتە دڵیەوە و مانای خۆشەویستی بزانێت ،،، ئەگەر چی کارەکتەری سەرەکی هەردوو فیلم لە لایەن خەڵکەوە بە کەسێکی کەم عەقڵ ناودەبرێن بەڵام خاوەن دڵێکی پاکن و دەڕواننە جوانیەکانی ژیان.... ئەم فیلمە جەخت لە ژیانی گەنجێک دەکاتەوە ،،، ڕەزا کە کوڕێکی گەنجی دەستپاک و دڵپاکە لە ناو شارەکەی بە ماتۆڕێک کاری گواستنەوەی خەڵک دەکات بۆ ناوچەکانی دەوروبەری شارەکە ،، کاتێک کاری گواستنەوە بۆ مامۆستایەکی ئافرەتی گوندێک دەکات ڕۆژانە هاتوچۆ بەو مامۆستایە دەکات کە لە یەکەم بینینەوە عەشقی بوو و کەوتە خۆشویستنی ،،، ڕۆژانە بەردەوام دڵی بۆ مامۆستاکە زیاتر لێدەدات و زیاتر خۆشەویستی دەچێتە دڵیەوە ،، بەڵام کاتێک مامۆستاکە شوو دەکات گەنجەکە حاڵی خراپ دەبێت ،،، ئەمە مانای خۆشەویستی ڕاستەقینەیە ،، کەسێکی لە ناخی دڵیەوە خۆشویستووە دوای ئەو بەو شێوەیە حاڵی خراپ دەبێت ،،،، بێگومان فیلمەکە بەو چیرۆکە سادەیەوە چەندین پەیامی لە خۆ گرتووە ،، بێگومان یەکێکە لە فیلمە باشەکانی وڵاتی ئێرانە و شایەنی سەیرکردنە