...چاوەڕوانبە
kurdsubtitle loading gif
...چاوەڕوانبە
دانانی پێداچوونەوە پێداچوونەوە پێوەیستە بە کیبۆردی کوردی بنوسرێت و لە هەبوونی سپۆیل دووگمەی سپۆیل دیاری بکرێت، بە پێچەوانەوە پێداچوونەوەکە وەرناگیرێت، بۆ هەر پێداچوونەوەیەک بڕی یەک ئەستێرە بۆ پڕۆفایلت زیاد دەبێت

دەربارەی به‌ چوار شێوازی جیاوازی ماده‌ی هۆشبه‌ره‌ كه‌وا له‌ كه‌سه‌كان ده‌كات له‌ جیهانی خه‌یاڵدا بژین بێ ئاگا بن له‌ ژیانی ڕاستەقینە

Requiem for a Dream (2000)

English
102 خولەك
15 Dec 2000
imdb8.3
rotten tomatos79%
metacritic68%
ژانەر دراما
هەڵسەنگاندن R
بۆ تەمەنی سەرو 17 ساڵ گونجاوە دەكرێت دیمەنی خوێناوی و سێكسی لەخۆ بگرێت
بودجە 5 ملیۆن دۆلار
داهات 7 ملیۆن دۆلار
بەرهەمهێنان Artisan Entertainment
دەرهێنەر Darren Aronofsky
9,662
Requiem for a Dream kurdish poster
ئەم فیلمە پلەی 94ـەمی هەیە لە ڕیزبەندی 250 باشترین فیلمەکانی مێژوو
دانانی هەڵسەنگاندن
هەڵسەنگاندنی بینەران

هەڵەتێگەشتنێک لەبارەی ئەو فیلمەوە زۆر جاران لە زۆر کەس دیومە، زۆرێک پێیان وایە ئارنۆڤسکی جەخت لەسەر مەترسیەکانی ماددەی هۆشبەر دەکاتەوە تاوەکو خەڵکی خۆیان بە دوور بگرن لە ماددەی ھۆشبەر وە تووشی ئەو زەرەر و زیانانەی ماددەکان نەبنەوە واتا کارەکتەرەکان دەکەونە ناو خەون و خەیاڵ بێ خەبەر دەبن لە دونیای واقع ئەمە تەنها و تەنها بەهۆی ماددە هۆشبەرەکانە بۆیەش ئارنۆڤسکی فیلمێکی دژی ماددەی ھۆشبەر دروست کردووە، کە ئەم کەم تێگەشتنە سەنگی فیلمەکە کەم ئەکاتەوە و حەقی خۆی پێنادا، ناڵێم کامڵەن ڕاست نیە بەس تێگەشتنێکی زۆر زۆر تەسکە بە نسبەت ئەو فیلمە، ئارنۆڤسکی ئەو فیلمەی بە هیچ شێوەیەک بۆ عەڕزکردنی مەترسیەکانی ماددەی هۆشبەر دروست نەکردووە یان ڕەخنەی لێ نەگرتووە تەنها وەک ئامرازێک بەکاری هێناوە تا ڕەخنە لە خودی مرۆڤ بگرێ، ڕەنگە ڕەخنەکەی ئارنۆڤسکی بەر زۆربەمان بکەوێت بێ ئەوەی ماددەی ھۆشبەر بەکار بێنین چۆن؟ وەک وتم بە دەرەجە یەک ڕەخنە لە خودی مرۆڤ دەگرێ ئەسڵەن ماددەی ھۆشبەری لا گرنگ نیە، ڕەخنە لە بێ ئیرادەیی و لاوازیی مرۆڤ بەرامبەر شتانێک دەگرێت وە مەترسیەکان و سەرەنجامێکیش عەڕز دەکات کە ڕوودانی مومکینە، بۆ نموونە لاوازی سارا گۆڵدفارب بەرامبەر خەونێک یان لاوازی ماریەن سلڤەر بەرامبەر هاری گۆڵدفارب... دوو کارەکتەرەکەی تریش بەهەمان شێوە واتا تەنانەت ئەوانەش لە بنەچەوە ئاڵوودەی ماددەی ھۆشبەر نین بەڵکو ئاڵوودەی شتانێکی ترن ڕەنگە کەسێک بێت خەونێک بێت ڕابردوویەک بێت، ئەوانە ئەو هۆگر بوونە مەترسیدارانەن ئارنۆڤسکی جەختی لەسەر دەکاتەوە نەک ماددەی ھۆشبەر، تا زیاتر بۆتان ڕوون بێت ئێستا با ئەوە ڕوون بکەمەوە چۆن چۆنی ڕەنگە ئارنۆڤسکی ڕەخنە لە زۆربەمان بگرێ، بەصیترین و دیارترین نموونە لە ڕۆژگاری ئەمڕۆدا ئاڵوودە بوونە بە مۆبایل و سۆشیاڵ میدیا، بێگومان زۆربەتان ئێستا نەفسیەن ڕەدفعلی خراپتان بۆ ئەو قسەیە دەبێ چونکە ناتوانن قبوڵی بکەن ئێوە لەناو چ خەون و خەیاڵاتێکی پووچا غەرق بوون چۆن دابڕاون لە دونیای واقع وەک چۆن چوار کارەکتەرەکە ئەوەیان قبوڵ نەبوو ئەوان لە دونیایەکی خەیاڵی و وەهمی و پووچا ئەژین تا ئەوەی ڕۆژێک بەخەبەر هاتنەوە کە زۆر درەنگ بووە ئێوەش ئەگەر عومر ڕێ بدا بەخەبەر دێنەوە بەڵام ئەوکاتە درەنگ بووە، نموونەیەکی تر ئاڵوودەبوونە بە فیلم و زنجیرە بەڵێ بە ڕێگەی فیلمەکەوە دارین ڕەخنە لەوانەش دەگرێ، چەندین نموونەی تر وەک ئاڵوودەبوون بە ڤیدیۆ گەیم، بە کەسێک، بە شتانێک ئیتر هەرچیەک بێت مادام بگاتە حاڵەتی ئیدمان بوون و بێ خەبەرت کات لە دونیای واقع ئەوە لاوازی تۆیە بەرامبەر ئەو شتە بۆیەش دەتگەیەنێ بە سەرەنجامێکی ترسناک، ئارنۆڤسکی ڕەخنە لە لاوازی و مودمین بوونی خودی مرۆڤ دەگرێ نەک ماددەی هۆشبەر و مۆبایل و تەکنەلۆژیا و خەو بینین و فیلم و زنجیرە و ڤیدیۆ گەیم و وەرزش ....هتد هەر شتێک، بۆ لایەنی هونەریش بەلای منەوە تەقریبەن پێرفێکتە بەتایبەت ئاکت و مۆنتاژ و موزیک بە تایبەت ئاکتی ئیڵن برستن(سارا گۆڵدفارب) وە ئەو هەموو کەتە و ئەو هەموو پشێوی و تێکەڵیە و ئەو هەموو دەنگە بەرزە دیمەنەکانی بێ حەد توند و واقعی کردبوو، هەتا بڵێی توندە منیش حەزم بەوەیە لەلایەکی تریشەوە هەر پێویست بوو ئەو فیلمە بەو شێوەیە توند بێت چونکە بابەتێکی هەڵبژاردووە بە ئاسانی ناچێ بە مێشکا بەڵام وەک لەسەرەتاوەش وتم زۆرێک تێگەشتنێکی هەڵەی هەیە کە لە ماددەی هۆشبەرا تەسکی کردۆتەوە، تەنها دوو ئیزافە بۆ ئەو فیلمە بکرایە بە ڕای خۆم پێرفێکت دەبوو، یەکەم ڕەنگی سووری زیاتر بەکار هاتبا  بەتایبەت لە دیمەنە خێرا و مەترسیدار و ئازاردەر و دیمەنە سێکسیەکان لەگەڵ ئەوەی بەو شێوەیەش هەر زۆر توندە بەڵام دڵنیابن ئەوکاتە شتێکی زۆر لەوەش توندترمان دەبینی ترس و قەلەقی و دڵەڕاوکێی ئێمەی بینەر زۆر زیادی ئەکرد، دووەم موزیک و دیمەنەکان باشتر ڕێکخرابان لەگەڵ گۆڕینی دیمەن موزیکەکەش بگۆڕابا، دەگەڕێمەوە سەر بابەتی یەکەم بشبورن زۆر درێژم کردەوە بەڵام پێویست بوو، بە دایالۆگی فیلمێکی تر کۆتایی بە قسەکانم دێنم، لە فیلمی la haine لەگەڵ دەستپێکی فیلمەکە وە لە کۆتایی فیلمەکە ئەو دایالۆگە ئەڵێنەوە ( پیاوێک لە بینایەکی بەرز دەکەوێتە خوارەوە، هەر نهۆمێک ئەبڕێ بە خۆی ئەڵێ، هێشتا باشم هێشتا باشم هێشتا باشم، بەڵام گرنگ نیە چۆن ئەکەویت گرنگ ئەوەیە کە ئەکەویت) چۆن ئەم دایالۆگە بە فیلمەکە و بە قسەکانی پێشترم دەبەستنەوە بۆ خۆتانی جێ دێڵم

فیلمێکە بە هیچ شێوەیەك بەزەیت پێ ناکات

فیلمێکی تا بلێی نایاب و گرنگ پێویستە هەمومان بۆ جارێکیش بێت سەیری بکەین ، راستە ئەوەی لە فیلمەکەدایە رەنگە جۆری ئالودەبونی ئێمە نەبێت یاخود دوور بین لێی بەلام ماوەی دابڕانمان بۆ رون دکاتەوە لە ژیانی امرۆش زۆربەمان ئالودەبویی شتێکی مادین یا مەعنەوی بەلام ماوەی دابرانمان زۆر کورتە رەنگە ئەو فیلمە بەس بێت بۆ ئەوەی لە ماوەی دابڕانی درێژ بگەین کە چیمان لێ دێت و چی دەکەین ، ئەمانە و بێجگە لە زیانی دەرمان ئالودەبونیش تیای بەسەرە و رونکراوتەوە

سێرڤەرەكان
کوردسەبتایتڵ
سێرڤەر (بێ ڕیکلام)
سێرڤەر
سێرڤەر
سێرڤەر
سێرڤەر
ماى ستریم
ڤید تیڤی (بێ ڕیکلام)
گۆگڵ درایڤ (بێ ڕیکلام)
ئەگەر ئەم بەرهەمە كێشەیەكی هەیە تكایە كلیك لە سكاڵا بكە
⚠️ سكاڵا
دابەزاندن
فیلمە هاوشێوەكان